ЕҢБЕККЕ ЖАРАМСЫЗДЫҚ ПАРАҒЫ ТУРАЛЫ НЕНІ БІЛУІҢІЗ ҚАЖЕТ?

ЕҢБЕККЕ ЖАРАМСЫЗДЫҚ ПАРАҒЫ ТУРАЛЫ НЕНІ БІЛУІҢІЗ ҚАЖЕТ?

Бұл жазбадан сіз есте сақтауға қажетті пайдалы ақпаратты таба аласыз, бірақ бұл туралы өзіңізге белгілеп алып, достарыңызбен бөліскеніңіз жөн.

Еңбекке жарамсыздық парағы-бұл адамның ауруына, хал — жағдайына немесе жарақатына байланысты уақытша еңбекке жарамсыздығын растау болып табылады.

Ол қандай жағдайларда және қандай мерзімге берілетінін, ал одан қай уақытта бас тартылуы мүмкін екендігін, сіз біздің инфографикамыздан білесіз.

Міне, тағы бірнеше фактілер:

Еңбекке жарамсыздық парағы науқасты ауруханаға жатқызу жағдайында — стационарда, амбулаторлық жағдайда емделген уақытта — тіркелген жері бойынша алғашқы емханалық көмек көрсететін медициналық ұйымда, басқа қаладан келген адамға — жүгінген жері бойынша беріледі.

Еңбекке жарамсыздық парағы өтініш берген күні, оның ішінде мереке және демалыс күндері, травматологиялық пунктке және жедел медициналық көмекке өтініш берген күнді ескере отырып, көрсетілген медициналық ұйымдарға өтініш білдіргенін растайтын анықтама негізінде беріледі.

Егер пациент МӘМС жүйесінде сақтандырылмаған болса, онда ол қызметтері медициналық сақтандыру қызметтерінің тізбесіне кірмейтін учаскелік дәрігерге барып, еңбекке жарамсыздық парағын ала алады

Егер пациенттің уақытша еңбекке жарамсыздығын растау үшін қабылдауы МӘМС есебінен қаржыландырылатын дәрігердің қорытындысы немесе басқа да диагностикалық немесе зертханалық қызметтер талап етілсе, мұндай пациентке кез келген қолжетімді тәсілмен сақтандыру мәртебесін алу қажет

Қазақстан Республикасының азаматтарына, оралмандарға, еңбек қызметін жүзеге асыратын және білім беру ұйымдарында оқитын, ел аумағында тұрақты тұратын шетелдіктер мен азаматтығы жоқ адамдарға оларды өндірістік практика кезеңінде ақы төленетін жұмыс орындарына қабылдау кезеңінде беріледі

Туберкулез, психикалық бұзылулар, тері-венерологиялық аурулар, онкологиялық аурулар немесе АИТВ/ЖИТС сияқты анықталған аурулары бар пациенттерді жалпы бейіндегі медициналық ұйымдарға жүгінген кезде медицина қызметкері кейіннен адамдарды мамандандырылған медициналық ұйымға, ал олар болмаған кезде тар маманға жібере отырып, күнтізбелік 3 күннен аспайтын мерзімге еңбекке жарамсыздық парағын береді

Науқас бірнеше жұмыс берушіде жұмыс істеген жағдайда, еңбекке жарамсыздық парағы басқа жағдайларда медициналық ұйымның басшысы куәландыратын және мөрмен расталған көшірмелерін ұсына отырып, бір жұмыс орны бойынша беріледі.

 

«Әлеуметтік медициналық сақтандыру қоры»

КЕАҚ Алматы облысы бойынша филиалы