Атаңнан мал қалғанша тал қалсын

Адам мен табиғат әрқашанда егіз. Табиғат – бүкіл тіршілік атауының алтын бесігі, қайнар көзі. Ата- бабамыз «Жер – қазына, су – алтын, мал – байлық», «Бақ өсіргеннің бағы жанады», «Атаңнан мал қалғанша тал қалсын» деп өсиет айтып кетуі тегін емес. Адам қоршаған ортасына мейірімділікпен, сүйіспеншілікпен, жанашырлықпен қарағанда ғана табиғат үйлесімділігі сақталады.

Президентіміз Қ.К.Тоқаевтың «Тәуелсіздік – бәрінен қымбат» атты мақаласына орай ұлттық Наурыз мейрамы қарсаңында «Бір жанұядан бір тал» акциясы республика көле­мінде бастау алған болатын. Осы тұрғыда ауданымызда көптеген игі бастамалар қолға алынып, ауданы­мыз­дың әр өңірінде жалғасын табуда. Атап айтсақ, Панфилов ауылы­ның тұрғындары Сәлімовтер отбасы да атаулы акциядан қалыс қалмады. Ермек Сәлімов жары Меруерт екеуі ұлдарын ортаға алып, көпшілікке үлгі-өнеге көрсету мақса­тында өз аулаларына ағаш отырғызды.

— Қазіргі таңда ауасын жұтып, суын ішіп отырған Табиғат-Ананы қорғап, аялау – барша жұрт үшін тіршілік қамы, табиғат қажеттілігі. Мақсатымыз жас ұрпақты өзі мекен еткен табиғи ортаның әсемдігін сезінуге, тазалығын сақтауға, қор­ша­ған ортаға мейірімділікпен, жа­на­шырлықпен қамқор болуға, қоршаған ортаны көгалдандыру арқылы өсімдік әлеміне жауапкер­шілі­гін, қызығушылығын арттырып, айналамызды гүлдендіруге, туған елге қызмет етуге, орманды қадірлеуге, оған қамқорлық жасауға тәрбиелеу, — деп акцияға қатысушы Ермек Сәлімов өз ойын білдірді.

Айнаш Әлдибек,
«Талғар»