Ауылдық жерде бұқаралық спортты дамыту қажет. Бұқаралық спорттың қолжетімділігі – дені сау ұлт қалыптастырудың басты шарты.
Осы мақсатта Ескелді ауданына қарасты Қарабұлақ ауылының Мелькомбинат елді мекенінде жаңа спорт алаңының тұсаукесері өтті, деп хабарлайды ТалғарАқпарат өңірлік коммуникация қызметіне сілтеме жасап.
Ескелді аудандық қоғамдық кеңесінің төрағасы Қалабек Тастанбаев шараны салтанатты түрде ашып, ауыл тұрғындарына жылы лебізін білдірді. Бұл Мелькомбинат елді мекенінің тұрғындары көптен күткен қуаныш. Себебі, осы елді мекенде спорт алаңы алғаш рет ашылып тұр.
Енді жазғы уақытта балалар жасанды жабынмен жабдықталған жаңа кешенде уақыттарын тиімді өткізе алады.
Талғар-ақпарат
